Psalms 126
Ingoma yemiqanso.
1Kwathi lapho uJehova ebuyisa izithunjwa eZiyoni, sasinjengabantu abaphuphayo. 2Imilomo yethu yayigcwele uhleko, lezindimi zethu zicula izingoma zentokozo. Basebesithi abezizwe, “UJehova ubenzele izinto ezimangalisayo.” 3UJehova usenzele izinto ezimangalisayo, ngakho siyathokoza kakhulu. 4Buyisa ukuphumelela kwethu, O Jehova, njengemifula eseNegebi. 5Labo abahlanyela ngezinyembezi bazavuna ngezingoma zentokozo. 6Lowo ophuma ekhala, ethwele inhlanyelo ukuba ayehlanyela uzabuya ngezingoma zentokozo, ethwele izinyanda.
Copyright information for
NdeIBE